Odessa turumuz davam edir. 7 dekabr tarixində partnyorlarımızla birlikdə şəhərin görməli məkanlarını ziyarət etdik, qədim tarixə sahib məkanlar haqqında tur bələdçisi bizi məlumatlandırdı. Bununla yanaşı, “Odessa Azərbaycanların Diasporası”nın təşkilatçılığı ilə, Odessada fəaliyyət göstərən Azərbaycanlı sahibkarlarla “Azərbaycan Evi”ndə görüşümüz baş tutdu. Görüşdə Ukrayna və Azərbaycan arasında yeni əməkdaşlıq əlaqələrinin bağlanılması ilə əlaqədar addımlar atıldı. Daha sonra, sahibkarlar bizi “Apsheron” restoranında axşam ziyafətinə qonaq etdi. Axşam ziyafətində sahibkarlar öz biznesləri haqqında daha da geniş məlumat verdilər. Başda Diasporanın sədri Rövşən bəy olmaqla, iştirak edən hər kəsə təşəkkür edir fəaliyyətlərində uğurlar arzulayırıq.
