Daha bir yeniliyə imza ataraq ölkə daxili şirkətlərin təqdimatını özündə əks etdirən “Business Catalogue”nu hazırlayaraq iş dünyasına təqdim etdik. Ümid edirik ki, “Business Catalogue” Azərbaycan iqtisadiyyatının ayrı-ayrı istehsal və xidmət sektorunda fəaliyyət göstərən sahibkarlıq subyektləri haqqında dolğun məlumat almağı asanlaşdıracaq.
16-18 iyunda “Baku Crystal Hall”da “Partners & Business Baku 2022” – yerli şirkətlərin tanıtım sərgisi baş tutub.
Kiçik və Orta Biznesin İnkişafı Agentliyi (KOBİA), Əmək və Əhalinin Sosial Müdafiəsi Nazirliyinin tabeliyində Dövlət Məşğulluq Agentliyi, Azərbaycan Sahibkarlar (İşəgötürənlər) Təşkilatları Milli Konfederasiyası və “Marsol” MMC-nin birgə təşkilatçılığı, “Kapital Bank”ın tərəfdaşlığı ilə təşkil olunmuş sərgidə sənaye, kənd təsərrüfatı, qida, İKT, təhsil, inşaat, logistika, tekstil və digər sahələrdə fəaliyyət göstərən 200-ə yaxın yerli şirkətin məhsul və xidmətləri təqdim olunub.