Azərbaycan Dövlət İqtisad Universiteti ilə memorandum imzalanıb

29 noyabr tarixində “Marsol” MMC və Azərbaycan Dövlət İqtisad Universiteti arasında memorandum imzalandı. Universitetin rektoru Ədalət Muradov və Marsol şirkətinin direktoru Tural Mustafayev tərəfindən imzalanan memoranduma əsasən:

– Marsol şirkətinin əməkdaşlıq etdiyi şirkətlərdə Universitetin tələbələri üçün təcrübənin təşkil edilməsi;

– Universitetin tələbələrinin tərəfdaş şirkətlərdə işlə təmin edilməsi üçün universitetdə “Karyera günləri”nin keçirilməsi;

– Marsol partnyorlarının iştirakı ilə birgə layihə və tədqiqatların həyata keçirilməsi, konfransların, təlimlərin, ustad dərslərinin və seminarların təşkil edilməsi;

– Tələbələrin kurs və buraxılış işlərinin, magistrantların dissertasiya mövzularının sahibkarlıq fəaliyyəti ilə əlaqələndirilməsi, Marsol şirkətinin və əməkdaşlıq etdiyi şirkətlərin rəhbərlərinin, o cümlədən, nümayəndələrinin tədris prossesinə cəlb olunması istiqamətində əməkdaşlığa başlanılmışdır.

Əməkdaşlığımızın ölkəmizin təhsil və sahibkarlıq ekosisteminə töhfə verəcəyinə inanırıq.