12 iyunda partnyorlarımızla birlikdə “LƏNKƏRAN MEXANİKLƏŞDİRMƏ” MMC-ni ziyarət etdik. Çay süfrəsində tanışlığımız baş tutdu və şirkətin rəhbəri Rövşən bəy bizlərə müəssisə haqqında ətraflı məlumat verdi. Daha sonra istehsalatı gəzərək şirkətin fəaliyyəti və məhsulları ilə yaxından tanış olduq. Bizi qonaq etdiyi üçün Rövşən bəyə təşəkkür edir, işlərində uğurlar arzulayırıq!
Görüş pandemiya ilə bağlı qaydalara uyğun olaraq təşkil olunmuşdur.
“LƏNKƏRAN MEXANİKLƏŞDİRMƏ” MMC 09 dekabr 2013-cü ildə təsis edilmiş və 11 dekabr 2013-cü ildə dövlət qeydiyyatına alınaraq ilk fəaliyyətinə başlamışdır.
“LƏNKƏRAN MEXANİKLƏŞDİRMƏ” MMC fəaliyyət növlərini həyata keçirmək üçün beynəlxalq ( BS EN 12953-2002) və Azərbaycan milli standartlarını tətbiq edərək metal konstruksiyaların, modulların, təzyiq altında olan çənlərin,”SELSİON” brendi ilə boylerlər, su qızdırıcı qazanlar, buxar qazanları, yağ qazanları, alternativ enerji ilə işləyən su qazanları və kombilərin istehsalçısı kimi fəaliyyət göstərir.
“LƏNKƏRAN MEXANİKLƏŞDİRMƏ” MMC istehsal olunan məhsulun keyfiyyətinə və xidmətin yüksək olmasına böyük üstünlük verir. İstehsal olunan məhsulun norma və standartlara uyğun olmasına cavabdehlik daşıyır.
“LƏNKƏRAN MEXANİKLƏŞDİRMƏ” MMC dünyanın bir çox analoji şirkətləri ilə sıx əlaqəlidir və onların müsbət elmi-tədqiqi axtarışlarını öz işində tətbiq edir.
“LƏNKƏRAN MEXANİKLƏŞDİRMƏ” MMC hər bir sifarişçini potensial ortaq kimi qəbul etdiyinə görə istənilən sorğuya diqqət və hörmətlə yanaşır.
