Aprelin 8-i Marsol Group partnyorları “Zəncəfil” restoranında təşkil olunan “İşgüzar Səhər Yeməyi”ndə bir araya gəlib.
30-dan çox sahibkar arasında ənənəvi olaraq maraqlı təqdimatlar aparılıb, yeni iş fürsətlərini qiymətləndirmək üçün şərait yaranıb. Bununla yanaşı, 6-cı “Yerli şirkətlərin tanıtım sərgisi” başda olmaqla Marsol Group-un gələcək planları ilə bağlı təqdimatlar baş tutub.
Görüşdə Azərbaycan Dövlət Reklam Agentliyinin media və kommunikasiya şöbəsinin rəhbəri İmmiyə Zamanova da iştirak edərək Agentliyin fəaliyyət istiqamətləri haqqında sahibkarları məlumatlandırıb.
Həmçinin, 2025-ci il üzrə Marsol Group partnyorluğuna qoşulan şirkətlərə “Üzvlük” sertifikatı təqdim edilib.
Sonda, bir neçə partnyorumuzun xidmətlərini təqdim etdiyi “City Park Mall”da “Saat Store” və “Aqat Silver” şirkətinin şourumları ziyarət olunub.
