Aprelin 11-i süni intellekt və informasiya texnologiyaları sahəsində mühüm mövzulara həsr olunmuş beynəlxalq konfrans keçirilib.
ADA Universitetində keçirilən forumda Kolumbiya Universiteti, Florida Texnologiya İnstitutu, Nyu York Universiteti və Tallinn Texnologiya Universitetinin nüfuzlu professorları və Marsol Group partnyorları iştirak ediblər.
Forumun əsas məqsədi süni intellekt və böyük verilənlər sahəsindəki ən son yenilikləri müzakirə etmək, bu sahədə beynəlxalq əməkdaşlığı gücləndirmək və akademik, sənaye və dövlət sektoru arasında əlaqələrin möhkəmləndirilməsi olub.
