21 iyul tarixində bir qisim sahibkarla birlikdə, partnyorumuz “Gens Elektrik” şirkətinin mağazasını ziyarət etdik. Şirkətin direktoru Mahir bəy bizi, satdıqları məhsullar və xidmətləri ilə yaxından tanış etdi. Partnyorlarımız da məhsullarla yaxından tanış olma imkanı əldə etdilər. Sonda isə Mahir bəy bizi çay süfrəsinə dəvət etdi və çay süfrəsində tanışlıqlar baş tutdu. Başda Mahir bəy olmaqla, dəvətimizi qəbul edib iştirak edən hər kəsə təşəkkür edirik!
“GENS ELEKTRİK” MMC 2011-ci ildə qurulmuşdur. Şirkətin gənc
olmasına baxmayaraq, qısa zaman ərzində gördüyü işlər onu göstərir ki,
kollektiv heç fasilə etmədən, Azərbaycan Respublikasının iqtisadiyyatına və sənayesinə
öz tövhəsini verməkdədir. Belə ki, Azərbaycan, ABŞ, Finlandiya, Türkiyə və
Rusiya kimi ölkələrin nüfuzlu universitetlərinin məzunu olmuş peşakar mühəndislərin
rəhbərliyi altında 80 nəfərə yaxın üzvü ilə, bacarıqlı, öz işini sevən,
peşakarlığını günbəgün artıran, müştərilərin istəklərini yerindəcə yerinə yetirə
bilən şirkət kollektivi fəaliyyət göstərir.
“GENS ELEKTRİK” MMC-nin nəzdində fəaliyyət göstərən “GENS
SERVİS”, “GENS PANO”, “GENS ELEKTRİK LAHİYƏLƏNDİRMƏ” Azərbaycanda öz müştərilərinə
bütün növ dizel generatorların, avtokarların, qaynaq aparatlarının təmiri və
sazlanmasını peşakar səviyyədə təmin edir.
Şirkətin missiyasi:
Dünya markalarını yüksək səviyyədə təmsil etmək, yeni
texnologiyaları Azərbaycana gətirib sənayemizi keyfiyyətli məhsullarla təmin
etmək, bununla da iqtisadiyyatımızın güclənməsinə yardım etməkdən ibarətdir.
Görüş iştirakçıları:
Gens Elektrik
BLG
AzEstetik Group
Edex
